ဗီယက်နမ်တွင် ၂၀၁၆ အတွင်းလူနေအိမ်ခန်းများ

၂၀၁၆ ခုနှစ် ပထမသုံးလပတ်ကာလ အတွင်း ဗီယက်နမ်နိုင်ငံ၊ ဟနွိုင်းမြို့ တော်ရှိ အိမ်ရာစီမံကိန်း ၁၆ ခုမှ လူနေအိမ်ခန်းသစ် စုစုပေါင်း ၄၃၁၈ ခန်းရောင်းချခဲ့ရရာယခင် ၂၀၁၅ ခုနှစ် ပထမသုံးလပတ်နှင့် နှိုင်းယှဉ်လျှင် ၁၈ ရာခိုင်နှုန်းရောင်းအားကျဆင်းသွားကြောင်း “ဟနွိုင်း ၂၀၁၆ ပထမသုံးလပတ် အိမ်ခြံမြေကဏ္ဍ အစီရင်ခံစာ”တွင် ဖော်ပြထားကြောင်း ဟနွိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ပထမသုံးလပတ်အတွင်းရောင်းချခဲ့ရသည့် နေအိမ်ခန်းများအနက် အများစုမှာတန်ဖိုးကြီးနှင့် အလယ်အလယ်တန်းအိမ်ခန်းများဖြစ်ပြီး ဈေးကွက်ဝေစုအားဖြင့် ၄၈ ရာခိုင်နှုန်းနှင့် ၃၆ ရာခိုင်နှုန်းအသီးသီးရရှိထားသည်။

တန်ဖိုးနည်းအိမ်ခန်းများမှာမူရောင်းအားကျဆင်းသွားသည်ကိုတွေ့ရသည်။
ယင်းသို့ဖြစ်ရခြင်းမှာဗီယက်နမ်အစိုးရက နေအိမ်ဝယ်ယူသူများအတွက် ဗီယက်နမ်ငွေ ၃၀ ဘီလီယံ (ကန်ဒေါ်လာ ၁ ဒသမ ၃၅ ဘီလီယံ) ထုတ်ချေးသည့် စီမံကိန်းအကောင်အထည်ဖော်ဆောင်မှုကြောင့်ဖြစ်သည်ဟုဆိုသည်။
နေရာအကွက်အကွင်းကောင်းတွင်ရှိပြီးအဆင့်မြင့်ပြင်ဆင်ထားသည့် နေအိမ်ခန်းများမှာခေါ်ဈေးမြင့်တက်လာသည်။

ဈေးနှုန်းအားဖြင့်ဆိုရလျှင် အလယ်အလတ်တန်း လူနေခန်းများမှာဈေးနှုန်း ၂ ဒသမ ၉ ရာခိုင်နှုန်း မြင့်တက်သွားပြီးတန်ဖိုးကြီးနှင့် တန်ဖိုးနည်းအိမ်ခန်းများမှာမူ ၀ ဒသမ ၃ ရာခိုင်နှုန်းနှင့် ၇ ဒသမ ၈ ရာခိုင်နှုန်းအသီးသီးဈေးကျသွားသည်။

လူနေပြီးအိမ်ခန်းများ ပြန်လည်ရောင်းချမှုကဏ္ဍတွင်မူတန်ဖိုးကြီး၊ အလယ်အလတ်နှင့် တန်ဖိုးနည်းအိမ်ခန်းအားလုံးဈေး တက်သွားသည်ကိုတွေ့ရသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)

Post a comment