စုပေါင်းပိုင်အဆောက်အအုံဆိုင်ရာ ဥပဒေ (၂)

၁၀။ စုပေါင်းပိုင်အဆောက်အအုံဆောက်လုပ်ရန်အလို့ငှာ စုပေါင်းပိုင်မြေ အဖြစ် မှတ်ပုံတင်လိုသည့် မြေသည် –
(က)    တည်ဆဲဥပဒေတစ်ရပ်ရပ်အရ လူနေအိမ်ရာအဖြစ် ဆောက် လုပ်ခွင့် ရှိရမည့်အပြင် ပိုင်ဆိုင်ခွင့် လွှဲပြောင်းနိုင်သော မြေ အမျိုးအစားဖြစ်ရမည်။
(ခ)    မြေလက်ရှိပိုင်ဆိုင်သူက သက်ဆိုင်ရာ စာချုပ်စာတမ်းမှတ်ပုံ တင်ရုံးတွင် စုပေါင်းပိုင်မြေအဖြစ် ပိုင်ဆိုင်ခွင့် လွှဲပြောင်းပေးပြီး ဖြစ်ရမည်။
(ဂ)    မြို့ပြစီမံကိန်းအရ သက်ဆိုင်ရာ အစိုးရဌာန၊ အစိုးရအဖွဲ့အစည်း က သတ်မှတ်ထားသည့် အချက်များနှင့်အညီ ဖြစ်ရမည်။
(ဃ)    မြေဧရိယာ အနည်းဆုံး စတုရန်းပေ ၂၀၀၀၀ နှင့်အထက် ရှိရမည်။
၁၁။ ၀န်ကြီးဌာနသည် စုပေါင်းပိုင်အဆောက်အအုံတစ်ခုဖြစ်ရန် သတ်မှတ်အထပ်အရေအတွက်၊ အိမ်ခန်းအရေအတွက်၊ လုံလောက်သော ယာဉ်ရပ်နားရန် နေရာနှင့် စုပေါင်းပိုင်သူများအသုံးပြုရန် စီမံထားရှိရ မည့် စုပေါင်းပိုင်ပစ်္စည်းများနှင့် ယင်းအဆောက်အအုံနှင့် ပစ်္စည်းများ၏ နည်းပညာအဆင့်အတန်း၊ လုံခြုံရေးနှင့် ဘေးအန်္တရာယ်ကင်းရှင်းရေး ဆိုင်ရာများ အပါအ၀င် လိုအပ်သည့် စံချိန်စံညွှန်းများကို သတ်မှတ်ထား ရမည်။

Comment(1)

  1. Reply
    AsiaL says

    good

Post a comment