ကန်ထရိုက်တိုက်ခန်းဥပဒေ ယခုနှစ်အတွင်း အတည်ပြုနိုင်ရေးဆောင်ရွက်

စုပေါင်းပိုင်အဆောက် အအုံဆိုင်ရာဥပဒေ (Condo Law)ကဲ့သို့ အထပ်မြင့် လူနေကန်ထရိုက်လုပ်ငန်းဥပဒေ(Apartment Law)ကို ယခုနှစ်အတွင်း လွှတ် တော်က အတည်ပြုနိုင်ရန် ရေးဆွဲ နေပြီဖြစ်ကြောင်း သတင်းရရှိ သည်။

ယခုဥပဒေသည် တိုက်ခန်းဝယ်ယူနေထိုင်သူများအတွက် အချိန်မီလိုအပ်နေသဖြင့် ကွန်ဒိုဥပဒေကဲ့သို့ လွှတ်တော်တွင်း ကြန့်ကြာမှုမရှိစေရန် အမြန်ဆုံးရေးဆွဲရမည်ဖြစ်ကြောင်း ပထမအကြိမ် လွှတ်တော်သက်တမ်းအ တွင်း ရေးဆွဲရာ၌ ပါဝင်သည့်လွှတ် တော်ကိုယ်စားလှယ်ဟောင်း ဇေ ကမ္ဘာ ဦးခင်ရွှေက ပြောကြား သည်။

‘‘ရန်ကုန်မှာ ကန်ထရိုက် တိုက်တွေက အရမ်းများတယ်။ ဒီနေ့အထိ ဒီတိုက်တွေရဲ့ပိုင်ဆိုင်မှု က မြေရှင်တွေရဲ့လက်ထဲမှာပဲ ရှိ နေတဲ့အတွက် အားလုံးပိုင်ဆိုင်ပြီး အကျိုးခံစားခွင့်ရှိမယ့် ဒီ Apart-ment Law ကို ရေးဆွဲနေတာဖြစ် ပါတယ်’’ဟု ဥပဒေရေးဆွဲရာတွင် ပါဝင်သည့် ပညာရှင်တစ်ဦးက ပြောသည်။

 

ယခုရေးဆွဲနေသည့်ဥပဒေ တွင် မြေရှင်၊ ကန်ထရိုက်တာနှင့် အခန်းဝယ်ယူသူများအကြားအ ပြန်အလှန်အကျိုးရှိစေနိုင်သည့် ဥပဒေဖြစ်ရန် လိုအပ်ပြီး နိုင်ငံခြား သားများထံ ရောင်းချနိုင်ခွင့် ရှိ၊ မရှိကိုလည်း ရေးဆွဲပြဋ္ဌာန်းသင့် ကြောင်း ဆောက်လုပ်ရေးလုပ် ငန်းရှင်အချို့က အကြံပြုသည်။

Credit: 7Daydaily

Post a comment