နိုင်ငံခြားငွေ ဝယ်ယူရောင်းချလဲလှယ်ပေးသည့် ငွေလဲကောင်တာများကို နိုင်ငံတစ်ဝန်းလုံးတွင် ၁၃၄၅ ခု ဖွင့်လှစ်ခွင့်ပြုထားပြီးဖြစ်

မြန်မာနိုင်ငံတော်ဗဟိုဘဏ်သည် မိမိနိုင်ငံ၏ ငွေကြေးတန်ဖိုး မြင့်မားလာစေ ရေးနှင့် ပြည်တွင်း၌ အမေရိကန်ဒေါ်လာကို ကျယ်ပြန့်စွာ သုံးစွဲခြင်းကြောင့် ဖြစ်ပေါ်လာနိုင်သည့် Dollarization မဖြစ်စေရေးကို အဓိကရည်ရွယ်၍ နိုင်ငံခြားငွေဝယ်ယူရောင်းချ လဲလှယ်ပေးသည့် ငွေလဲကောင်တာများကို တိုင်းဒေသကြီးနှင့် ပြည်နယ်များအားလုံးတွင် ဖွင့်လှစ်ခွင့်ပြုခဲ့ရာ ဇူလိုင်လ ၇ ရက်အထိ နိုင်ငံတစ်ဝန်းလုံးတွင် ငွေလဲကောင်တာ ၁၃၄၅ ခု ဖွင့်လှစ် ခွင့်ပြုထားပြီးဖြစ်ကြောင်း မြန်မာနိုင်ငံတော်ဗဟိုဘဏ် ဒုတိယဥက္ကဋ္ဌ ဦးဘိုဘိုငယ်က ပြောကြားသည်။

ယနေ့ကျင်းပသည့် ဒုတိယအကြိမ် အမျိုးသားလွှတ်တော် ပဉ္စမပုံမှန် အစည်းအဝေး (၅ဝ)ရက်မြောက်နေ့တွင် ကရင်ပြည်နယ် မဲဆန္ဒနယ်အမှတ်(၆)မှ ဒေါ်နန်းနီနီအေး၏ မြန်မာ့ငွေကြေးအားကောင်းလာစေရန် နယ်စပ်မြို့များ ဖြစ်ကြသည့် မူဆယ်၊ တာချီလိတ်၊ မြဝတီ၊ ကော့သောင်း၊ တမူး စသည့် နယ်စပ်မြို့များတွင် တစ်ဖက်နိုင်ငံသုံး ငွေကြေးအစား မြန်မာကျပ်ငွေ သုံးစွဲရေး ဗဟိုဘဏ်မှ မည်ကဲ့သို့ စီမံဆောင်ရွက်နေသည်ကို သိရှိလိုခြင်း မေးခွန်းနှင့် စပ်လျဉ်း၍ ဒုတိယဥက္ကဋ္ဌ ဦးဘိုဘိုငယ်က အထက်ပါအတိုင်း ပြန်လည်ရှင်းလင်း ဖြေကြားခဲ့ခြင်းဖြစ်သည်။

ဆက်လက်၍ ဒုတိယဥက္ကဋ္ဌက ကရင်ပြည်နယ်နှင့် ရှမ်းပြည်နယ်တို့တွင် ထိုင်းနိုင်ငံနှင့် နယ်မြေဆက်စပ်လျက်ရှိသော ဒေသများ၌ ပို့ကုန်/သွင်းကုန် လုပ်ငန်းများ တိုးတက်ဖွံ့ဖြိုးလာစေရေးအတွက် စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနက အမိန့်အမှတ် (၆/၂ဝဝဝ)အရ ပို့ကုန်/သွင်းကုန် လုပ်ငန်းများကို မြန်မာကျပ်ငွေ၊ အမေရိကန်ဒေါ်လာနှင့် ထိုင်းဘတ်ငွေများဖြင့် ဆောင်ရွက်ခွင့်ပြုခဲ့ပြီး မြန်မာ့စီးပွားရေးဘဏ်သည်လည်း မြန်မာ-ထိုင်းနယ်စပ် ဒေသရှိ ဘဏ်ခွဲများ၌ ပို့ကုန်/သွင်းကုန်လုပ်ငန်းများ ငွေပေးချေမှုအဆင်ပြေ စေရန်အတွက် မြန်မာကျပ်ငွေ၊ ထိုင်းဘတ်ငွေနှင့် အမေရိကန်ဒေါ်လာ ငွေစာရင်းများကို ဖွင့်လှစ်ခွင့်ပြုပေးလျက်ရှိပါကြောင်း။

ထိုင်းနိုင်ငံနှင့် နယ်မြေဆက်စပ်လျက်ရှိသော ဒေသများတွင်သာမက ပြည်တွင်းရှိ အခြားဒေသများတွင်လည်း ထိုင်းဘတ်ငွေသုံးစွဲမှုလျော့ကျစေရေးအတွက် ထိုင်းနိုင်ငံသုံးဘတ်ငွေကို နိုင်ငံခြားငွေဝယ်ယူရောင်းချလဲလှယ်ပေးသည့် ငွေလဲကောင်တာများတွင် ကျပ်ငွေဖြင့်လဲလှယ်ပြီး သုံးစွဲနိုင်ရန် ခွင့်ပြုထားပြီးဖြစ်၍ ဘတ်ငွေအား ပြည်တွင်း၌ သုံးစွဲပါက အရေးယူဆောင်ရွက်သည့် အမိန့်များ ထုတ်ပြန်၍ ပြည်တွင်း၌ ဘတ်ငွေသုံးစွဲပါက အရေးယူ ဆောင်ရွက်သွားရမည်ဖြစ်ပါကြောင်း၊ အိန္ဒိယနိုင်ငံနှင့် တရုတ်နိုင်ငံ နယ်စပ် ဒေသများရှိ ငွေလဲကောင်တာများတွင် ယွမ်မင်ဘီနှင့် ရူပီးတို့အား ငွေလဲ ကောင်တာများတွင် တရားဝင်ဝယ်ယူရောင်းချလဲလှယ်ခွင့်ပြုနိုင်ရေး ပြင်ဆင် ဆောင်ရွက်လျက်ရှိပါကြောင်း။

မြန်မာနိုင်ငံတော်ဗဟိုဘဏ်သည် မိမိနိုင်ငံ၏ ငွေကြေးတန်ဖိုးမြင့်မားလာ စေရေးနှင့် မြန်မာကျပ်ငွေဖြင့်သာ ပေးချေရေးကိစ္စအပေါ် အရေးယူဆောင် ရွက်မည့် အစီအစဉ်များချမှတ်၍ ပြည်သူလူထုသို့ ကြိုတင်အသိပေးခြင်း၊ သက်ဆိုင်ရာဝန်ကြီးဌာနများမှ မိမိနှင့်ဆက်စပ်လျက်ရှိသော လုပ်ငန်းများအား အရေးယူဆောင်ရွက်ခြင်း၊ တိုင်းဒေသကြီးနှင့် ပြည်နယ်အစိုးရအဖွဲ့တို့က မိမိတို့ဒေသအတွင်း အရေးယူဆောင်ရွက်ခြင်းစသည့် ပူးပေါင်းဆောင်ရွက် ခြင်းတို့အား လုပ်ဆောင်နိုင်ရန် စီမံထားရှိပါကြောင်း ဖြေကြားသည်။

Credit: The Mirror

Comments are closed.